Taispeántas
In 1999, chinn Parlaimint na hEorpa onóir a léiriú do Louise Weiss trí fhoirgneamh a ainmniú ina diaidh. Tá an Seomra Tionóil agus oifigí na bhFeisirí san fhoirgneamh sin atá lonnaithe in Strasbourg. Sa lá atá inniu ann, tá dealbh bhrád chré-umha de Louise Weiss i mbealach isteach an fhoirgnimh.
Ba í Uachtarán Pharlaimint na hEorpa, Nicole Fontaine, a rinne an foirgneamh nua seo a oscailt go hoifigiúil, i láthair Jacques Chirac, Uachtarán na Fraince.
Beagnach caoga bliain tar éis Parlaimint na hEorpa a lonnú i bpríomhchathair na hAlsáise, bhí a Seomra Tionóil féin ar deireadh aici – an ceann is mó dá leithéid san Eoraip.
Sleachta as Oscailt Oifigiúil fhoirgneamh nua “Louise WEISS” i bParlaimint na hEorpa in Strasbourg, 1999
Tá foirgneamh Louise Weiss plátáilte go hiomlán i ngloine mar shiombail de dhaonlathas oscailte trédhearcach, agus is ionann cuma neamhchríochnaithe an dín agus nádúr leanúnach an tionscadail Eorpaigh.
Thug cathair Strasbourg aitheantas do Louise Weiss le ‘Cearnóg Louise Weiss’ in 1989, ceann den iliomad spás poiblí ar fud na Fraince a ainmníodh ina onóir.
Reáchtálann Ollscoil Strasbourg comórtas scríbhneoireachta bliantúil Louise Weiss do na mic léinn, agus tá bailiúchán leabhar pearsanta a dheonaigh Louise Weiss uirthi ar fáil i Leabharlann Náisiúnta agus Ollscoile na cathrach.
In aice láimhe, i mbaile Saverne, tá taispeántas buan sa mhúsaem a thugann léiriú ar shaol Weiss, agus tá dealbh di anois sa phríomhchearnóg.
